Plataforma. Festival de artes performativas naceu cun obxectivo: enriquecer e destacar a potencia cultural de Santiago de Compostela e toda a súa diversidade. Dende o seu nacemento en 2020, este obxectivo materializouse en cada edición, creando experiencias reais de comunicación entre o público e a cidade a través da arte. Cunha importante representación feminina e unha decidida aposta polo talento galego, Plataforma impúlsase ata a súa sexta edición, como un dos festivais de referencia da cidade e unha cita cultural imprescindible. Plataforma. Festival de artes performativas é un festival especial, cunha natureza híbrida e atrevida. Nel conflúen diferentes propostas atravesadas pola idea da performatividade, que poderemos gozar entre o 21 e o 25 de maio en distintos espazos culturais e nas rúas e prazas da cidade de Compostela. As actuacións que acolle Plataforma. Festival de artes performativas queren achegar a performance a todos os públicos, mostrando accións que habitualmente non teñen espazo nas programacións estables das institucións culturais.

A performance é un espazo de creación aberta no que domina a interacción e a comunicación co público. A súa característica principal é a necesidade de estar presentes para experimentala, o seu carácter é efémero e irrepetible. O que sucede no espazo-tempo da performance é unha experiencia artística que nunca volverá ter lugar da mesma maneira. Deste espírito irrepetible e provocador nútrense as diferentes propostas de artes vivas deste festival. Plataforma Santiago será, durante uns días, punto de encontro de artistas, performers, músicos, actores, bailaríns, coreógrafos, e público participante, nunha experiencia compartida e de vangarda chea de posibilidades estimulantes. Plataforma converte Santiago de Compostela nun escenario vivo, no cal os propios habitantes, a súa diversidade e a súa rica contorna son protagonistas especiais, fomentando un espazo de igualdade e integración social e orientándose sempre á sustentabilidade das súas propostas en consonancia cos Obxectivos de Desenvolvemento Sostible e a axenda 2030.

Mónica Maneiro Jurjo e Iñaki Martínez Antelo
Dirección de Plataforma. Festival de artes performativas

Taller de performance. Neves Seara

Luz infinda

Sábado 17 de 10.00 a 14.30 horas – XANTAR – de 16.00 a 19.30 horas
Domingo 18 de 10.00 a 14.30 horas
Fundación DIDAC
15 prazas
Inscrición 50 euros
50% de desconto para estudantes, e persoas xubiladas ou desempregadas

Taller de performance para a infancia. Ana Gesto

Variacións para un Mesmo Obxecto (isto non é un zapato)

Sábado 24
Horario de 11.00 a 12.30 horas
Impartido por Ana Gesto
Parque de Bonaval
15 prazas
De balde previa inscrición

Rúa de Ramón del Valle-Inclán, 2
15703 Santiago de Compostela

Parque de San Domingos de Bonaval
15703 Santiago de Compostela, A Coruña

Rúa Pérez Costanti, 12, baixo
15702 Santiago de Compostela

Rúa
Rúa Calderería, 38
15704 Santiago de Compostela

Praza das Praterías
15701 Santiago de Compostela

Rúa de Antonio Rama Seoane, 6
15706 Santiago de Compostela

Rúa das Salvadas, 2, A
15705 Santiago de Compostela