Como descifrar o significado dunha escena que xa non existe?

Como establecer a fronteira entre o amor, o desexo e a morte?

Este Tríptico é un camiño no que a cada paso se formulan esas dúas preguntas e algunha outra arredor da imposibilidade de descifrar o que xa pasou e non existe; a incapacidade de separar o amor, o desexo e a morte cando os tres conflúen no mesmo corpo, no mesmo momento e no mesmo lugar.

Palabra e imaxe técense nunha escena que nunca máis volverá existir.

Lara Dopazo Ruibal, textos e voz.

Adriana Páramo Pérez, imaxe e vídeo. Lara Dopazo Ruibal (Marín, 1985) é poeta, autora das obras ovella, claus e o alacrán, Os lobos na casa de Esaú e O axolote e outros contos de bestas e auga, entre outras.