Tere Recarens e Shima

Baharestan Carpet inspírase no modelo Chaharbagh (catro xardíns), orixinario do Imperio aqueménida, o primeiro imperio persa (século VI a.c.e). Divídese en catro partes mediante canais que conflúen nun estanque central. Baharestan Carpet (Alfombra de primavera) é de cartón, adáptase en cada lugar e momento. En Gropius Bau, Berlín, en colaboración con Farifteh Tavakoli-Borazjani, escribían co dedo na superficie. No festival Plataforma, Shima ensinaranos como escribir en persa a palabra que desexemos.

Biografías:

Tere Recarens (La Selva, 1967) é unha artista interdisciplinaria formada en Barcelona e en Francia; vive e traballa en Berlín. A súa práctica combina debuxo, palabra, fotografía, vídeo e instalación, con unha linguaxe directa, a miúdo marcada polo humor e a lixeireza. A viaxe é un eixo central na súa obra, entendido tanto como desprazamento xeográfico como percorrido emocional e relacional.

Shima dedicou gran parte da súa vida a explorar o mundo, facendo de cada lugar un espazo de encontro e intercambio cultural. Vivindo lonxe do seu país, sentiu a necesidade de desaprender e cuestionar os estereotipos sobre a súa cultura. Esta inquietude levouna a desenvolver proxectos vinculados á fotografía e á gastronomía persa, utilizando a comida como ferramenta de memoria, conexión humana e intercambio cultural.